శ్రీ సాయి సన్నిధిలో వారాహి మాత పూర్ణాహుతి

వేద మంత్రోచ్చారణల నడుమ నిర్వహించిన ఈ మహా యజ్ఞంలో అనేక మంది భక్తులు పాల్గొని శ్రీ వారాహి మాత అనుగ్రహాన్ని పొందారు. హోమాగ్ని సమక్షంలో సమర్పించిన 108 పవిత్ర మూలికలు లోకక్షేమం, ఆరోగ్యం, ఐశ్వర్యం, శాంతి, సర్వమంగళం కలగాలని ప్రార్థిస్తూ అర్పించబడ్డాయి.

అనంతరం మహా పూర్ణాహుతి, మంగళహారతి, తీర్థప్రసాద వినియోగం భక్తి పారవశ్యంతో జరిగాయి. ఈ పవిత్ర కార్యక్రమం భక్తులందరిలో ఆధ్యాత్మిక చైతన్యాన్ని నింపి, శ్రీ వారాహి మాత కరుణాకటాక్షాలు సదా అందరిపై ఉండాలని ప్రార్థిస్తూ నవరాత్రి ఉత్సవాలు విజయవంతంగా ముగిశాయి.

శ్రీ వారాహి మాత దివ్య అనుగ్రహం సర్వలోకాలకు శాంతి, సౌభాగ్యం, ఆయురారోగ్యాలు ప్రసాదించాలని శ్రీ సాయి సన్నిధి కుటుంబం హృదయపూర్వకంగా ప్రార్థిస్తోంది.